അങ്കണവാടികൾ

വേലൂർ പഞ്ചായത്ത് പൊതുവിൽ ഒരു കാർഷിക പഞ്ചായത്താണ്. മൊത്തം ജനസംഖ്യയിൽ 70% ഓളം കാർഷിക മേഖലയുമായി ബന്ധപ്പെട്ട് പ്രവർത്തിയ്ക്കുന്നു. പൊതുവിൽ നെൽകൃഷി 400 ഹെക്ടറിൽ വിരിപ്പും, 400 ഹെക്ടറിൽ മുണ്ടകനും കൃഷി ചെയ്യുന്നു. 50 ഹെക്ടറോളം കൃഷിഭൂമി തരിശായി കിടക്കുന്നു. ഇത് കൂടാതെയുളള പ്രധാന കൃഷി തെങ്ങും കവുങ്ങുമാണ്. കൂടാതെ വാഴ പച്ചക്കറി എന്നിവയും കൃഷിചെയ്തു വരുന്നു.

വനിതകളുടേയും ശിശുക്കളുടേയും വികസനം

ഇവയിൽ ഏറ്റവും പ്രാധാന്യം നല്കിവരുന്ന സ്ഥാപനങ്ങളാണ് പഞ്ചായത്തിലെ 24 അംഗനവാടികൾ. അവയിൽ സ്വന്തമായി കെട്ടിടമുളള 22 അംഗനവാടികളാണുളളത്. കുറുമാൽ 92-ാം അംഗനവാടിയുടെ പണി മൂന്നാം ഘട്ടത്തിൽ എത്തി നിൽക്കുന്നു. സ്വന്തമായി സ്ഥലമുളള ആർ.എം.എസ് സ്കൂളിൽ പ്രവർത്തിക്കുന്നു. 93-ാം അംഗനവാടിയുടെ കെട്ടിടം പണിക്കുളള ഫണ്ട് ലഭ്യമായിട്ടില്ല. വേലൂർ വടക്കുമുറിയിലുളള 95-ാം അംഗനവാടിയ്ക്ക് കെട്ടിടവും സ്ഥലവും ഇല്ല. ഇത് വാടക കെട്ടിടത്തില്ല പ്രവർത്തിച്ചുവരുന്നു.

2012 മേയ്മാസത്തെ സാമൂഹ്യക്ഷേമവകുപ്പിന്റെ സർവ്വേ പ്രകാരം അംഗനവാടികളിൽ പ്രീസ്കൂൾ കുട്ടികൾ 375 മുതൽ 400 പേരും 6 മാസം മുതൽ വയസ്സുവരെയുളള ഗുണഭോക്താക്കൾ 400-405 പേരും ഗർഭിണികളായ ഗുണഭോക്താക്കൾ 85-90 പേരും മുലയൂട്ടുന്ന അമ്മമാർ (ഗുണഭോക്താകൾ) 75-80 പേരും കൗമാരപ്രായക്കാരായ പെൺകുട്ടികൾ (ഗുണഭോക്താകൾ) 235-250 പേരാണ്.

ഇപ്പോൾ വനിതാശിശുക്കളുടെ (വികസനത്തിൽ) പ്രോജക്ടുകൾ പ്രധാനമായും മേൽ ഗുണഭോക്താകളെ ലക്ഷ്യം വച്ചു കൊണ്ടുളള ടേക്ക് ഹോം റേഷൻ, അംഗനവാടികളുടെ ഭൗതികസൗകര്യം മെച്ചപ്പെട്ടുന്നതിനും, അടിസ്ഥാന സൗകര്യം മെച്ചപ്പെടുത്തുന്നതിനുള്ള അറ്റകുറ്റപണികൾ, പാത്രങ്ങൾ, ഫർണിച്ചറുകൾ അംഗനവാടി പ്രവർത്തനങ്ങുടെ സേവനമായ സംവിധാനം മെച്ചപ്പെടുത്തുന്നതിനായി അധികവേതന വിതരണം തുടങ്ങിയ പദ്ധതികൾ നടപ്പിലാക്കിവരുന്നു.